اسلک علی شریک العگل ونصار

وعلی افراگه ینوح الگلب ونصار

وحید و لا صدیق العندی ونصار

ضلت انا والدهر بس یلعب علیه 

یاریت  ازور ادیارکم  و اشتم هواکم

الروح امعلقه  فیکم  و الگلب هواکم

کل الحب و تحیاتی و تقدیری هواکم

احلفکم بل نبی الشیعه وعلیهم

ارحمو گلبی المجروح وعلیهم

اصبن  الدمع دم واونن علیهم

شمعنی نسونی وما نشدوعلیه

ضلت جسد خالی و انت الروح * اشبقه اناعندی والگلب مجروح * عجزت من کثر الحزن والنوح * اعد ایامی بهموم وما تنشد علیه*

حبیبی یا ناس الاسمر وعزیز هوالی

انا عایش علی حبه و النفس هوالی

اتمنی انا اصیرن محبوبه  و هوالی

انتسامرو مثل الاهلال واینور علیه 

گلبی هاویک وکل یوم یفرولک طر*من هجرک  جرح  بدلال ولک طر*بس مره انشد علی حالی ولک طر*وشوف بعینک افراگک اشعمل بیه

اشما رید الیوم اسکت الگلب بی لویه

اضوی اشموع الفرح  للمحبوب لویه

کلمه الحب حرفین عليه تنضاف لویه

حبی  یصیر للمطلوب  اینور علیه 

قررت  انسه الاسمر و الگلب احبسنه

و راید احبه کل العمر مش احب  سنه

صدق  انا  شایب  لاکن  کنت  احبسنه

بسبب کنت اقارن علیه  و یتدلل علیه

صدمنی جوابک یا اسمر  وردک

مش ذنبی الگلب یهواک   وردک

هنیاله الشم من اعطور  وردک

تمر ایامه بسعاده وتکون هنیه 

حرت بین حبک یا اسمرووصلی

  صرت کافروعفت دینی و صلی

  اخضه گلبی انته و حیل وصلی

  حتی منک ایوز و لا ایلح علیه

       هم یجی یوم تشوفهم راجعین وتراهم       

  وبجیتهم تفرح الروح وبغیابهم تراهم 

للحین الی اعزازومالکین دلالی تراهم 

ولاغیرهم یصیرصاحب ویتملک علیه

یا دنیه لیش بس تسعینی وظلمای  

وبعدتی اکان الی و یضوی ظلمای  

انوح اناعلیه وبلعین بعدما ظلمای

واخاف اشد الرحیل و ما یمرعلیه

الحزن بس سهمی و الفرح سهملک   

من الهجر انصبت بحشای وسهملک

لا تضن ابد راح اترکنک و سهملک

وکتله الدمع انا وعالم العگل حله

و قفل گلبی  من  یوم شافنی حله

بدل ساعات العسرو یوم المرحله

حبیبی بس گلی اشذکربیه ودلک

کل لحظه تمرعلیه بحبک ودلک

راح  اطرش روحی الک ودلک

لان گلبی عندک وما یرجع الیه

اشمحله بسمک من ینادی وصاحبه

ومدری گلبی اشلون گلبک صاحبه

انابغیابک امرض وبهواک صاحبه

من تجی اطیبن ولا یضل الم بیه

ما راح اسامحك ابد طول العمر وعافك

و عسا حالك مثل حالي  اتصير وعافك

مثل ماعفتني كون الرحت عنده وعافك

تضل اوحيد و تنطر بس ساعات المنيه

للحین انا اناشد علی الاحباب بعدنی

    وشما احب احد  الوکت  عنه بعدنی   

 مرید ادخل جنت  الفردوس و بعدنی 

ارید النار بس المحبوب ایکون الیه

لیش  تبخل و ما تحن علیه یحبی* و  هنیاله  خدک  یا  اسمر  یحبی*تره  حبی  بعده  ما مشه  ویحبی*اذا  یمشی  اطیح  افتوگ  علیه

یدنیه  بس لا  تحاربینی  ولچ یوزی

و حچی الشمات چنه فشگ یوزی

کل الناس بلفرح و انا  مشه یوزی

و من بختی الغبر  الی خان  بیه 

اکید نسونی و نسو ذاک العهد ولاهم 

اعد الحظات یرجعون و همه ولا هم

من الفرگه انا المهموم واحبابی ولاهم

انا منساهم واذکرهم کل صبح ومسیه

 انشاله یرجعون بسلامه ویحله ویومای

ویروح الحزن والفرح ایصیح ویومای

لجلهم ارید اصوم واقطع الزاد ویومای

                         وانا افطرعلی شوفتهم من نگعد سویه

ما کنت افکربزعل نتفارق وتهجرینی

ترکینی لحالی بحزن وبسرعه تنسینی

لیش بعدکل هذه المحبه بگلبی تچوینی

وتصفین اویه الدهر واثناتکم علیه

وکتله الدمع انا وعالم العگل حله

و قفل گلبی  من  یوم شافنی حله

بدل ساعات العسرو یوم المرحله